یاتما گوزلیم زینبه وقت سفر اولدی ----- دور سال یولایورقون بالالار خونجگر اولدی

یاتدون قوری یرده باشما گلدی بلالر ----- قوی عرض ائلیوم مجنتیمی سربسر اولدی

دشمن سنی ئولدور دی منی چوللره سالدی ----- غم یورقونی آواره بو چولده ملر اولدی

آت سالدی قوشون خیمه لره قاچدی اوشاقلار ----- هرکس قویوب یوز بیر طرفه دربدر اولدی

گون بائتدی اوشاقلاری ولی تاپمادی زینب ----- دنیا دولانوب باشنه گوزده کدر اولدی

گه نهر فرات اوستینه گه مقتله قاچدیم ----- عباسیم ئولن یرمنه قارداش گذر اولدی

گوردوم کیچیلن قدینی تپراقه یخلدیم -----دای سن دئمه بیلدیم که اوشیره نلر اولدی

چائتدیم سوا قارداش سو با خوب حالیمه یاندی ----- شرم ایلیه دئدیم باخما گلابیم هدر اولدی

اصغر سنه یالواردی اونی بوش یولا سالدون -----عطشان سو کنارینده ملر صود امر اولدی

گون بائتدی حسین اللریم هر یردن اوزولدی ----- ظلمت گجه سی زینبووه چوخ بتر اولدی

تل اوسته دوروب سسلدیم آی مظلوم اوشاقلار ----- مندن آرالی قالمیون عمریم هدر اولدی

گل نازلی رقییه سنه لایلای دییرم من ----- عمون سنون هجرونده بالا خونجگر اولدی

گلسون سنی آغوشیمه آللام او پرم من ----- بو چولده دولانما بالا زینب ملر اولدی

لشکرده منیم حالیمه آغلوردی حسینیم ----- سعد اوغلی بیلوب مطلبی بزم دیگر اولدی

قانلی باشوی نیزه ده میدانه وروبلار ----- ظلمت گجه سی گوردوم او دمده سحر اولدی

شمع یاندی اونون عشقینه پروانه ملشدی ----- جمع لشدی قاچانلار باشوا چوخ نظر اولدی

بو مطلبی سعد اوغلی گوروب کامینه چائتدی ----- سسلندی جماعت بودا آیری ظفر اولدی

هر مرددنی بیراوشاقین دوتدی قولوندان ----- اللر که گئدیب قمچی لره گورنلر اولدی

وردیم اوزیمی معرکیه قیزلاری آلدیم ----- فاش ایلمورم زینبه چوخ چوخ خطر اولدی

یغدیم اولاری بیر پاره چادر ده برادر ----- یورقون بالالار باخدی منه دیده تر اولدی

هر بی بالانین گوگلین آلوب یوخلادا بیلدیم ----- مظلوم قیزوون آهی ولی چوخ کسر اولدی

ایستیردی یاتانازلی قوجاقیمده رقییه -----بیردن گوز آچوب سسلدی عمه سحر اولدی

تزاولسا سحر من بابا می گوره م آی عمه -----من بیلمورم آخر بونجه بیر سفر اولدی

اکبرده گئدنده دئدی گلم بو سفردن ----- یول تاپمادی گلسون اونا حتما خطر اولدی

گوزیوممادی بیچاره بالام صبریمی آلدی ----- هر آن سنی ایستیردی منه دردسر اولدی

جمع ایلموشم جمله اسیرانی حسینیم ----- باخ زینبه بیرعده اوشاق بال وپر اولدی

یاتما یارالی دور منی میندیر دوه اوسته ----- آخر باجوون قسمتی بوردان گدر اولدی

سن اکبریلن اسغر وی ساخلا یانوندا ----- زینب قالا چوللرده قضادن گلراولدی

من شامه گئدوم سن بو بیابانیده دفن اول ----- سینم سنون عشقوندن بلایه سپر اولدی

قوی بیر دولانوم باشوه زهرا عوضینده ----- زهرا ده دوشوب چوللره قارداش ملر اولدی

من نوحه دیوم قارداشما سن منه آغلا ----- قسمت باجوا عمریده اشک بصر اولدی

گور چرخ فلک زینبی نه حاله سالبدی ----- عالمده پناهگاهی فقط بیر نفر اولدی

تبداریدی ناخوشدی اودا قلبی شکسته ----- سجاده گلور تک امیدیم بی پدر اولدی

باشون منیله حمل اولونور کوفه وشامه ----- جسمون ولی گودالیده زیر وزبر اولدی

هرباشووه باخدوقجا حسین وای دییرم من -----باشون یانا عاشقلره یاخچی ثمر اولدی

باشونده کی خنجر یاراسی واردی الیمده ----- منلن سنه بو شمردن آخر اثر اولدی

سینونده کی اوخ یاروه قربان اولا زینب ----- اوچ پر اوخ اوپن سینوه اصغر گهر اولدی

لطف ایله حسین نوحه دیوب شعر یازانلار -----غملی کیمی عشقونده دوشوب دربدر اولدی